Descobre un dos recunchos máis auténticos e singulares de Galicia. A Ruta dos Fornos de Bangueses, situada no concello de Verea, convídate a viaxar no tempo a través do patrimonio etnográfico, a arquitectura tradicional e as paisaxes de media montaña que cobixan as ladeiras dos montes de Picoña.

🌾 Patrimonio vivo: Os fornos comunitarios

O gran tesouro desta ruta reside na alma das súas aldeas: os fornos tradicionais de leña de Bangueses. Coidadosamente recuperados, estes pequenos edificios de pedra foron durante xeracións o punto de encontro e centro da vida comunitaria. Neles, as veciñas e veciños cocían o pan de xeito artesanal, mantendo viva unha tradición que hoxe volve efervescer na memoria e no gusto dos nosos visitantes.

🥾 Ficha técnica da ruta

• Percorrido: Circuíto polas parroquias de Bangueses de Arriba, Bangueses de Abaixo e a serra de Picoña.
• Durante a andaina pincho de carne con pan recién feito nos fornos.
• Distancia: 14 km
• Dificultade: Media.
• Tipo de traxecto: Sendeirismo entre carballeiras, camiños tradicionais de pedra e miradoiros naturais.

PROGRAMA

Saída: 9.30  Bangueses

14:00 Fin do roteiro e Xantar

🥖 Unha cita imprescindible: A Ruta Gastronómica

Unha xornada única que combina o sendeirismo co mellor da nosa gastronomía tradicional:

• Encesa tradicional: Os antigos fornos volven acenderse para cocer pan artesanal e elaboracións locais ao momento.
• Xantar popular: A marcha culmina cunha festa de convivencia onde degustar produtos da terra e o tradicional porco ó espeto.
• XANTAR: 15€. Entradas a VENDA no Concello e na Farmacia
• Nenos ata 6 anos: gratis

Material recomendable para a actividade

• calzado de montaña e roupa axeitada ás condicións climáticas desta época do

ano (consultar a previsión meteorolóxica en días previos)

• levar mínimo1 litro de auga por persoa e algunha petiscada lixeira.

• mochila pequena ou mediana e bastóns de trekking

• protección solar e/ou para a choiva (en función da previsión meteorolóxica)